ელიავას ბაზრობის ტერიტორიაზე გამწვანებული სავაჭრო მოლის აშენება იგეგმება. ბაზრობის ადმინისტრაციამ შესაბამისი პროექტი უკვე წარმოადგინა. პროექტის შესახებ ფოტო და ვიდეო მასალა ინტერნეტ სივრცეში გავრცელდა.

გავრცელებული ინფორმაციით, რომ სავაჭრო-გასართობი კომპლექსი 5 ჰექტარზე მოეწყობა. ეს იქნება მრავალფუნქციური სავაჭრო კომპლექსი, გასართობი სივრცეებით, ბავშვთა მოედნით, საცურაო აუზებით, ორანჟერეით, სავაჭრო ცენტრის სახურავზე ეგზოტიკური ხეების მუზეუმის მოწყობაა დაგეგმილი.

გათვალისწინებულია მიწისქვეშა ავტოსადგომი 2500 ავტომანქანისთვის. პროექტის საინვესტიციო ღირებულება 80 მილიონია. 

როგორც ცნობილია, გენ.გეგმაზე მომუშავე ჯგუფმა „სითი ინსტუტი–საქართველომ“ ელიავას ბაზრობის ტერიტორიაზე რეკრეაციული ზონის მოწყობის რეკომენდაცია გასცა. გენ.გეგმა ამჟამად განხილვის ეტაპზეა და მისი დამტკიცება სავარაუდოდ შემოდგომაზე მოხდება.