მაშინ როცა საქართველოში, განსაკუთრებით კი თბილისში მშენებლობების ბუმია, სპეციალისტები დაბალი ხარისხით და წინასწარი კვლევების გარეშე ჩატარებულ სამუშაოებზე მიუთითებენ. სამშენებლო მასალაზე დაზოგილი თანხები, სეისმომედეგობაზე შეუმოწმებელი მაღალსართულიანი კორპუსები და შენობა-ნაგებობების მდგრადობა - სპეციალისტების აზრით, დარგის მთავარი გამოწვევებია. როგორც ორგანიზაცია მშენებლობა ფალსიფიკაციის გარეშე „-ს ხელმძღვანელი ანზორ საკანდელიძე აცხადებს, თბილისში არაერთი ახალი ნაგებობაა, რომელთა მობინადრეებს დიდი რისკის ქვეშ უწევთ ცხოვრება და თავად ამის შესახებ ინფორმცია არ აქვთ.
საწარმოო ტექნიკური განყოფილების სპეციალისტის ანა გოგბერაშვილის თქმით, თანამედროვე მშენებლობებში სამუშაოების დაწყებამდე ტერიტორიის გეოლოგიური შესწავლა არ ხდება. ამიტომ ხშირია შემთხვევა, როცა წყალი საძირკველის გაჭრისას ამოხეთქავს ან მშენებლობის დასრულების შემდეგ, საძირკველში დგება. მისივე თქმით თბილისში გრუნტის წყლების გამო ავარიული შენობების სტატისტიკა ძალიან მაღალია.
წყარო: პალიტრანიუსი
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge