თბილისის კიდევ ერთ მუნიციპალურ მარშრუტზე, ყვითელ „ბოგდანებს“, კომპანია MAN -ის ავტობუსები ჩაანაცვლებს. ახალი, ლურჯი ავტობუსები დღეიდან N150 მარშრუტზეც იმოძრავებენ.
მარშრუტი მოიცავს სახელმწიფო უნივერსიტეტის მაღლივი კორპუსიდან ვაჟა-ფშაველას გამზირის, რეაბილიტირებული პეკინის ქუჩის, მელიქიშვილისა და რუსთაველის გამზირების გავლით ბარათაშვილის ხიდამდე მონაკვეთს, ხოლო უკუმიმართულებით ​ავტობუსი, “26 მაისის” მოედნიდან კოსტავასა და შარტავას ქუჩებზე განაგრძობს მოძრაობას და ვაჟა-ფშაველას გამზირს კალანდაძის ქუჩიდან დაუკავშირდება.
როგორც “სითი კვირას” თბილისის მერიის პრესსამსახურში განუცხადეს, N150 მარშრუტზე ახალი ავტობუსების გაშვება, პეკინის ქუჩაზე მიმდინარე მასშტაბური სარეკონსტრუქციო სამუშაოების დასრულების შემდეგ იყო დაგეგმილი. 15 სექტემბერს მარშრუტზე 7 ავტობუსი გავა, ხოლო ორშაბათიდან, 18 სექტემბრიდან ეს რიცხვი 11-მდე გაიზრდება.
აღსანიშნავია, რომ MAN -ის ავტობუსები, შარშან ოქტომბრიდან დღემდე, ეტაპობრივად 11 სხვადასხვა მარშრუტზე: N61, 51, 37, 87, 9, 88, 24, 14, 21, 140 და N39-ს ჩანაცვლდა

წყარო : www.city.kvira.ge