info@myclient.ge 0322 728-528 574-77-24-04; 574 08 12 00; 574 08 12 01
21 September 2017
675
როგორი იქნება განახლებული „სითი მოლი“ თბილისში? [ფოტოები]

თბილისში განახლებული, გაფართოებული „სითი მოლი“ 2018 წლის ნოემბერში გაიხსნება. სავაჭრო ობიექტის წარმომადგენლების ცნობით, ახალი შენობის გასაქირავებელი ფართი 57 ათასი კვადრატული მეტრი, ხოლო სრული ფართი ბიზნესცენტრის გარეშე 87 ათასი კვ. მეტრი იქნება. ამ ეტაპზე „სითი მოლის“ შენობის ფართი 17 ათასი კვ. მეტრია. განახლებულ სავაჭრო ობიექტში საერთაშორისო ბრენდული მაღაზიებისა და საკვები ობიექტების მოწყობა იგეგმება. გარდა ამისა, იქნება გასართობი ტერიტორია როგორც ბავშვებისთვის, ასევე დიდებისთვის. მშობლებისთვის ცალკე მოსასვენებელი ადგილი მოეწყობა. გარდა ამისა, მიწისქვეშ 1 500 მანქანაზე გათვლილი ავტოსადგომი განთავსდება. როგორც ობიექტის წარმომადგენლები აღნიშნავენ, „სითი მოლის“ ლოკაცია ძალიან მნიშვნელოვანია, რადგან ობიექტი ქალაქის ცენტრში მდებარეობს და ეს იქნება ყოველდღიური თავშეყრის ადგილი როგორც ოჯახებისთვის, ასევე მეგობრებისთვის. სავაჭრო ობიექტი „სითი მოლი“ საბურთალოზე, ქავთარაძის N1- ში მდებარეობს.

წყარო: კომერსანტი

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge