ყაზბეგის გამზირზე სისხლის გადასხმის ინსტიტუტის ყოფილი შენობის ტერიტორიაზე თაურების მშენებლობის დაწყების ვადა გადაიწია.  როგორც „ბლოკ ინვესტის" ხელმძღვანელი თორნიკე ჯანაშვილი  აცხადებს, მშენებლობა მიმდინარე წლის ნაცვლად, 2018  წლის გაზაფხულზე დაიწყება.

როგორც ჯანაშვილი აცხადებს, ამჟამად  არქიტექტურულ პროექტზე მუშაობა მიმდინარეობს. რაც შეეხება მშენებლობის ნებართვას, კომპანია  მერიაში განაცხადს წლის ბოლომდე შეიტანს.

„როგორც კი ნებართვას მივიღებთ, მშენებლობა მალევე დაიწყება“-აცხადებს ჯანაშვილი. მისი  თქმით, მშენებლობის დაწყებიდან პროექტი დაახლოებით 2,5 წელიწადში დასრულდება.

თაურები ბლოკ ინვესტის და „ორბი ჯგუფის" ერთობლივი პროექტია.  პროექტის საინვესტიციო ღირებულება 140 მილიონი დოლარია. გეგმის მიხედვით,  120 ათას კვადრატულზე ორი თაუერი აშენდება, რომელიც იქნება მულტიფუნქციური, შენობაში განთავსდება როგორც კომერციული ფართები, ისე რამდენიმე სასტუმრო და აპარტ ოტელი.

„ორბი ჯგუფი პირველი კომპანიაა საქართველოში, რომელმაც აპარტოტელების მშენებლობა დაიწყო. კომპანია აპარტოტელებს ბათუმსა და ბაკურიანში ფლობს. „ბლოკ ინვესტი" კი ამ ეტაპზე, რამდენიმე სასტუმროს პროექტს ახორციელებს. მათ შორის „პარკ ინისა და „გოლდენ ტულიპის სასტუმროების პროექტებს

წყარო: კომერსანტი