თუ ერთ ოთახიან ბინაში ცხოვრობთ, ალბათ გეცოდინებათ, რომ რემონტის დროს აუცილებელია სივრცის თითოეული დეტალი მაქსიმალურად, პრაქტიკულად და ეფექტურად გამოიყენოთ. ამასთან ერთად, არ უნდა დაგვავიწყდეს ინტერიერის თანამედროვე ტენდენციების გათვალისწინებაც. სანამ კონკრეტულად დიზაინის შემუშავებაზე გადახვალთ, რამდენიმე დეტალი უნდა დაგეგმოთ. მაგალითად, გააერთიანებთ თუ არა სამზარეულოს მისაღებ ოთახთან, რამდენად მოახდენთ სივრცის დიფერენცირებას ზონების მიხედვით:

დაძინების და დასვენების სეგმენტი, ვიდეო-ზონა, სამუშაო ადგილი, საბავშვო კუთხე. ერთოთახიანი ბინისთვის ვიზუალური გაფართოება რამდენიმე დიზაინერული ხრიკითა და ტექნიკით შეგიძლიათ. ყველაზე მარტივი და პოპულარული მსუბუქი პალიტრის გამოყენებაა. იმისთვის, რომ სივრცე ჩანდეს დიდი, მაგრამ არა უფორმო, გამოიყენეთ ფერთა ტონის შემდეგი განლაგება:

ჭერი უნდა იყოს ყველაზე ღია, კედლები - ერთი-ორი ტონით მუქი, იატაკი კი - კონტრასტულად მუქი. სივრცის ვიზუალურად გაზრდისთვის სარკის, პრიალა და მინის ზედაპირების გამოყენებაც არაჩვეულებრივი ვარიანტია. ავეჯს რაც შეეხება, გაითვალისწინეთ, რომ აარჩიოთ კომპაქტური და ამასთან ერთად, ფუნქციური დივან-სკამები, შენახვის სისტემები, მაგიდები და სხვა. დეკორის გამოყენება მინიმუმამდე დაიყვანეთ. ერთოთახიან ბინაში აუცილებელია საკმარისი განათება.დაამატეთ განათების ხელოვნური წყარო. გამოიყენეთ გასაშლელი ავეჯი.