ძველი თბილისის რეაბილიტირებურ ნაწილში მოსახლეობას ფასადებზე გამომავალი კონდინცირების მოტორების და გათბობის მილების მოხსნა მოუწევს. 

აღდგენილი ფასადების უკანონო დაზიანებაზე დღეს თბილისის მთავრობის სხდომაზე, დედაქალაქის მერმა ისაუბრა და მოქალაქის მიერ მიწოდებული ფოტოსურათები წარმოადგინა, სადაც ფასადებზე განთავსებული საყოფაცხოვრებო ტექნიკა ჩანს.

„აღმშენებლის სარეაბილიტაციო სამუშაოეში 30 მილიონი ლარი დაიხარჯა. გუდიაშვილის და ორბელიანის მოედნების აღდგენის ღირებულება 110 მილიონი ლარია. სამწუხარო და შემაშფოთებელია ის ფაქტი, რომ გახშირდა იერსახის დაზიანება. კონდინციონერებით, გამათბობლების მილებით. ჩვენ თვითონ ვაზიანებთ იმას, რასაც ვაკეთებთ. ვანდალიზმის ფაქტები არის სკვერებშიც, . ეს ყველაფერი კეთდება იმისთვის რომ აღვადგინოთ, მოვუაროთ და შევინარჩუნოთ. და შემდეგ ჩვენ თვითონ ვაზიანებთ. მე მესმის, რომ საყოფაცხოვრებო პირობებისთვის საჭიროა სვადასხვა ინფრასტრუქტურის მოწყობა, მაგრამ ეს არ უნდა მოხდეს ფასადების დაზიანების ხარჯზე. მეპატრონეებმა პირველ რიგში უნდა დაიცვან ის. 

მომდევნო წლებში 500 მილიონი ლარი დაიხარჯება ძველი თბილისის სიმდიდრის აღსადგენად. მაგრამ რეაბილიტაციის შემდეგ ამ ყველაფერს მოვლა-პატრონობა სჭირდება. მინდა დავავალო ზედამხედველობის სამსახურს, აღრიცხოს მსგავსი ფაქტები. მესაკუთრეებს მივცეთ გონივრული ვადა რომ თვითნებურად მოწყობილი ინფრასტრუქტურის დემონტაჟი განახორციელონ. ის დაზიანებები, რაც არის ფასადებზე, მონგრეული, მინგრეული და გაუბედურებული, ამას ჩვენი ხარჯებით აღვადგენთ”, - განაცხადა თბილისის მერმა კახა კალაძემ დღეს მთავრობის სხდომაზე.