კოოპერატიული ბინათმშენებლობით დაზარალებულთათვის კორპუსის ასაშენებლად თბილისის მერიამ მაჭავარიანის ქუჩაზე მიწის ნაკვეთი გამოყო. 

მიწის ნაკვეთზე ინტერესთა გამოხატვა გამოცხადდა. დაინტერესებულმა დეველოპერებმა მერიას არანაკლებ 5 000 კვ.მ საცხოვრებელი ფართისა უნდა შესთავაზონ, რაც მერიას 80 ოჯახის საცხოვრებელი ფართით დაკმაყოფილების საშუალებას მისცემს. გამარჯვებული კი ის იქნება, ვინც ყველაზე მეტ ფართს შესთავაზებს. 

„წლების მანძილზე ეს ადამაინები ბინებს ელოდებიან სახელმწიფოსგან. ადამაინები ამ მოლოდინში დაბერდნენ. ჩვენ მივიღეთ გადაწყვეტილება, რომ ჩემი მერობის პერიოდში ეს პრობლემა დასრულდება“ - განაცხადა თბილისის მერმა კახა კალაძემ.