თბილისის გენ. გეგმის დოკუმენტის მიხედვით, დაახლოებით 3 მილიონ კვ.მ. მიწის ნაკვეთზე მშენებლობა იზღუდება. როგორც საკრებულოს ურბანული დაგეგმარების კომისიის თავმჯდომარემ განაცხადა, მიწა კერძო საკუთრებაშია, რაც გენგეგმის დოკუმენტის აღსრულებას ართულებს.
ამის მიუხედავად, რევაზ სოხაძე აცხადებს, რომ საკრებულოში აღნიშნულ საკითხზე კონსენსუსია და დოკუმენტს დასამტკიცებლად ფორმალური პროცედურების გავლა არ გაუჭირდება. გენ.გეგმის დოკუმენტი სავარაუდოდ აგვისტოს ბოლოს დამტკიცდება.
„გენ გეგმის დოკუმენტი არ არის ადვილი შესასრულებელი. დაახლოებით 3 მილიონ კვ.მ-ის მშენებლობისთვის გამოყენება იზღუდება. ეს არის კერძო საკუთრებაში არსებული ტერიტორიები. აპრილში როცა ხარვეზებზე ვსაუბრობთ, იყო სწორედ ის რომ გენერალური გეგმა არ გვთავაზობდა გადაწყვეტის გზებს. დღეს უკვე გაწერილია რამდენიმე ვარიანტი, ეს არის ადგილმონაცვლეობა, კომპენსაციის გადახდა და ა.შ. პირდაპირ გეტყვით ჩვენ ათწლეულების განმავლობაში მოგვიწევს ხარკის გადახდა დაშვებული შეცდომების გამოსასწორებლად. ეს სამწუხარო რეალობაა, თუ გვინდა რომ ვიცხოვროთ ნორმალურ ქალაქში და ჩვენი ქალაქი ნორმალურად განვითარდეს“ - განაცხადა „საქმიანი დილის“ ეთერში თბილისის საკრებულოს ურბანული დაგეგმარების და საქალაქო მეურნეობის კომისიის თავმჯდომარემ რევაზ სოხაძემ.
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge