info@myclient.ge 0322 728-528 574-77-24-04; 574 08 12 00; 574 08 12 01
27 September 2018
2730
რისკები,რომლებიც ბინის გაქირავებისას წარმოიშობა

 საქართველოში, მით უფრო  დიდ ქალაქებში, უძრავი ქონების გაქირავება შემოსავლის მნიშვნელოვანი წყაროდ იქცა. თუმცა, ხშირად ეს „ბიზნესი“ გარკვეულ პრობლემებსაც უქმნის უძრავი ქონების მფლობელს. საქმე ის არის, რომ ხშირია შემთხვევა, როცა დამქირავებელი ბინის პატრონს ქირას არ უხდის, შესაბამისად, ეს უკანასკნელი დაზარალებული რჩება.

რატომ ხდება ასე? უძრავი ქონების სააგენტო „Myclient.ge“-ს იურისტების განცხადებით, „პრობლემის არსი ის არის, რომ მხარეები ურთიერთობას სამართლებრივად, წერილობით არ ადასტურებენ. არა და, ბინის მფლობელსა და დამქირავებელს შორის ურთიერთობას კანონი არეგულირებს, შესაბამისად, მოსალოდნელი რისკებისგან თავის აცილების მიზნით მოქალაქეებმა ყოველთვის უნდა დაიზღვიონ თავი და გამოიყენონ ყველა სიკეთე, რის საშუალებასაც კანონი იძლევა“.

 

  იქამდე, ვიდრე უშუალოდ პრობლემის განხილვას დავიწყებდეთ, განვმარტოთ, როგორ რეგულირდება კანონმდებლობით ქირავნობასთან დაკავშირებული საკითხები.

 

 საქართველოს სამოქალაქო კოდექსის თანახმად, უძრავი ქონება განმარტებულია, როგორც მიწის ნაკვეთი მასში არსებული წიაღისეულით, მიწაზე აღმოცენებული მცენარეები, ასევე შენობა-ნაგებობანი, რომლებიც მყარად დგას მიწაზე.

 რეგისტრაციის მიზნებიდან გამომდინარე, „საჯარო რეესტრის შესახებ“ საქართველოს კანონის თანახმად, უძრავი ნივთი განმარტებულია, როგორც მიწის ნაკვეთი მასზე არსებული შენობა-ნაგებობით ან მის გარეშე, შენობა-ნაგებობა (მშენებარე, აშენებული ან დანგრეული), შენობა-ნაგებობის ერთეული (მშენებარე, აშენებული ან დანგრეული) და ხაზობრივი ნაგებობა.

 

რა უფლება-მოვალეობებს აკისრებს კანონი გამქირავებელსა და დამქირავებელს?

იურისტების თქმით, დამქირავებელს გამქირავებლის მიერ უძრავი ნივთი შეიძლება, სარგებლობაში განსაზღვრული ვადით გადაეცეს და დამქირავებელი მოვალეა, გამქირავებელს დათქმული ქირა გადაუხადოს. აღსანიშნავია ის გარემოება, რომ ქირავნობის უფლების წარმოშობის შემდგომ დამქირავებელს შეუძლია, აღნიშნული უძრავი ნივთით ისარგებლოს.

თუ ერთ-ერთი მხარე იურიდიული პირია, რაიმე განსხვავებული დათქმა თუ არსებობს ?

თუ ქირავნობის ხელშეკრულების ერთერთი მხარე კერძო სამართლის იურიდიული პირია (სპს, კს, სს, შპს, კოოპერატივი) ქირავნობის უფლების წარმოშობისთვის სავალდებულოა ამ უფლების რეგისტრაცია საჯარო რეესტრში. სხვა შემთხვევაში, ქირავნობის უფლების წარმოშობისთვის, არ არის სავალდებულო, ამ უფლების რეგისტრაცია.

 

რა უნდა გააკეთოს მოქალაქემ ქირავნობის უფლების წამოშობისთვის?

 

 უძრავ ქონებაზე ქირავნობის უფლების წარმოშობის რეგისტრაციისათვის მოქალაქეებმა უნდა მიმართონ იუსტიციის სახლს ან შესაბამის ტერიტორიულ სამსახურს, სადაც უნდა წარადგინონ  შემდეგი დოკუმენტები: განცხადება პირადობის დამადასტურებელი დოკუმენტის ასლი; სათანადო წესით დამოწმებული (სანოტარო წესით ან საჯარო რეესტრში უფლებამოსილი პირის მიერ), ქირავნობის უფლების წარმოშობის დამადასტურებელი დოკუმენტი; სარეგისტრაციო მომსახურების საფასურის გადახდის დამადასტურებელი დოკუმენტი (გადახდა შესაძლებელია ადგილზე) იმ შემთხვევაში თუ, ქირავნობის უფლების მქონე სახელმწიფო, თვითმმართველი ერთეული ან საქართველოს ეროვნული ბანკია, აღნიშნულ შემთხვევაში მომსახურება ხორციელდება „საჯარო რეესტრის შესახებ საქართველოს კანონით დადგენილი მომსახურების საფასურის გადახდის გარეშე“.

 

 მას შემდეგ, რაც მხარეები ქირავნობის ხელშეკრულებას გააფორმებენ, ბინის მფლობელმა სახელმწიფოს ყოველთვიურად უნდა უხადოს ქირის 5%. რაც შეეხება კომერცულ ფართებს, ასეთ დროს გადასახადი იმატებს და ამ ფართის მფლობელი სახელმწიფოს უხდის ქირის 20%-ს.

 

რით აიხსნება ის პრაქტიკა, რომ მხარეები ქირავნობის ხელშეკრულებას იშვიათად აფორმებენ?

 „უმეტესად, გამქირავებელი თავს არიდებს აღნიშნული ხელშეკრულების გაფორმებას, რადგან  არ უნდა ზემოხსენებული თანხის 5% გადაიხადოს. თუმცა, ყველას გვსმენია, რომ ამით სარგებლობენ არაკეთილსინდისიერი მდგმურები და მას რამდენიმე თვის ქირას არ უხდიან, შესაბამისად,  ამით გამქირავებლები ძალიან ზარალდებიან, რადგან რეალურად, თუ ურთიერთობა მხოლოდ ზეპირი მოლაპარაკების საფუძველზე ფორმდება,ასეთ დროს რაიმეს მტკიცება (მაგალითად, რა ოდენობის თანხა უნდა გადაეხადა მდგმურს) საკმაოდ რთული პროცესია. ამიტომ, ზემოთაც აღვნიშნე, რომ ყველაზე სწორი ნაბიჯი გამქირავებლის მხრიდან არის ის, რომ უძრავი ქონება ზეპირსიტყვიერად არ გააქირავოს და დამქირავებელთან ურთიერთობები წერილობით, ხელშეკრულებით განსაზღვროს.

 

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge