info@myclient.ge 0322 728-528 574-77-24-04; 574 08 12 00; 574 08 12 01
08 December 2018
719
თბილისში მშენებლობაზე გაცემული ნებართვები შემცირდა

2018 წლის 9 თვეში დედაქალაქში მშენებლობაზე გაცემული ნებართვების რაოდენობა შემცირდა. 

თბილისის არქიტექტურის სამსახურის ინფორმაციით,  2018 წლის იანვარ-სექტემბერში 1 282 სამშენებლო ნებართვა გაიცა, 2017 წლის ანალოგიურ პერიოდში კი 1 338. აღსანიშნავია, რომ 2018 წელს გაცემული ახალი ნებართვიდან 74% ინდივიდუალურ (კერძო) სახლების მშენებლობაზე გაიცა. 

რაც შეეხება ბოლო წლების სრულ მონაცემებს, ასე გამოიყურება: თბილისში 2015 წელს ყველა კლასის და ფუნქციის ახალ მშენებლობაზე 1 664 ნებართვა გასცა; 2016 წელს - 1 731 ნებართვა; 2017 წელს - 1 755 ნებართვა.

რაც შეეხება კონკრეტულად ინდივიდუალურ და მრავალბინიან შენობებს, არქიტექტურის სამსახურის სტატისტიკის მიხედვით გაცემულ ნებართვებში ინდივიდუალურ საცხოვრებელი სახლების წილი ბევრად აღემატება მრავალბინიანი შენობების რაოდენობას და თანაც, ეს წლების განმავლობაში უკვე მზარდ ტენდენციას ინარჩუნებს. 2015 წელს მერიის არქიტექტურის სამსახურმა ახალი ინდივიდუალური სახლის მშენებლობაზე 1 017 ნებართვა გასცა, მრავალბინიანზე - 215; 2016 წელს ინდივიდუალურ სახლებზე გაიცა 1 077 ნებართვა, კორპუსებზე - 237; 2017 წელს ინდივიდუალურ სახლზე გაიცა 1 183 ნებართვა, მრავალბინიანზე - 197. 

რაც შეეხება 2018 წლის იანვარ-სექტემბერს, წელს მერიის არქიტექტურის სამსახურმა ახალი ინდივიდუალური სახლის მშენებლობაზე გასცა 952 ნებართვა, მრავალბინიანზე კი მხოლოდ 90. შარშან ანალოგიურ პერიოდში კი კორპუსების მშენებლობაზე 137 ნებართვა გაიცა, კერძო სახლებზე კი 910 ნებართვა. 
 

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge