სასტუმრო განთავსებულია, 1400 კვ.მ. მიწის ფართობზე. ძირითადი სამსართულიანი შენობა მოიცავს, 460 კვ.მ გამოყენებად ფართს, რომელშიც განთავსებულია: მისაღები, რეცეფშენი, ბარი (58,45 კვ.მ). სტუმრებისათვის განკუთვნილი სასადილო ოთახი, რომელიც გათვლილია 30 პერსონაზე , ჯაკუზი- გასახდელი ოთახითა და VIP ოთახით (ლაუნჯი) და 8 ნომერი. ძირითად შენობა-ნაგებობასთან ერთად, უკანა გამწვანებულ ეზოში, განთავსებულია ორი დამოუკიდებელი შენობა-ნაგებობა, რომელიც მოიცავს წყვილ კოტეჯს. (ჯამში 4 კოტეჯი). საერთო ჯამში სასტუმრო არის 12 ნომრიანი. შენობაში არის 35 კვ,მ ფართობის ღია ტერასა, მოსასვენებელი ავეჯით: (მაგიდა, სკამები, მზის ქოლგები) მე-3 სართულზე არის საერთო მოსასვენებელი-მისაღები ოთახი აივნით. სასტუმროში ფუნქციონირებს, ღია საცურაო აუზი (9მ*4მ*1.8მ) რომელიც აღჭურვილია: შეზლონგებით, მოსასვენებელი სავარძლებითა და ჰამაკით. სასტუმროს წინა პერიმეტრი გამწვანებულია, უნიკალური ჯიშის მცენარეებით, რომელთა შორის განთავსებულია მოსასვენებელი სივრცეები: ფანჩატური 6 პერსონაზე და 3 ცალი ოთხკაციანი მაგიდა, მზის ქოლგებით. ბაღის მოპირდაპირე მხარეს არის, 200 კვ.მ ღია მოედანი, ხელოვნური მწვანე საფარით. სასტუმროს ტერიტორიაზე არის მარანი, რომელიც აღჭურვილია: ღვინის ქვევრებით, თონით, ჭაჭის გამოსახდელი მოწყობილობით, ბუხრითა და მაყალით. მარნის ინტერიერი გაწყობილია, ქართული ეთნოგრაფიული ელემენტებით. სასტუმროს წინა და უკანა ეზო, საღამოს განათებულია, რათა სტუმრებმა შეძლონ საღამოს სასიამოვნოდ გატარება. ნომრებიდან და ტერასიდან იშლება ულამაზესი ხედი თბილისისა და მცხეთის მიმართულებით. სასტუმროს შიდა და გარე ტერიტორია აღჭურვილია, სამეთვალყურეო ვიდეო-კამერებით, რომლის ჩაწერა მიმდინარეობს 24/7. სასტუმროს ნომრებში, ჰოლში, სასადილო ოთახში, სამზარეულოსა და კოტეჯებში დამონტაჟებულია, ხანძარსაწინააღმდეგო მოწყობილებები. ძირითად შენობაში, სამივე სართულზე განთავსებულია: ცეცხლმაქრები და საევაკუაციო გეგმა შესაბამისი ნიშნებით. სასტუმროში დამონტაჟებულია შიდა ატეესი, რომელიც ნომრებს აკავშირებს- რეცეფშენთან და სამზარეულოსთან. სასტუმროს მთელს ტერიტორიაზე ვრცელდება უფასო ინტერნეტი.