თბილისში მიკროავტობუსები საპილოტე პროექტის ფარგლებში, გაჩერებას 14 ქუჩაზე მხოლოდ მოსაცდელებთან შეძლებენ. თბილისის მერის კახა კალაძის განცხადებით, გამოიყოფა 14 ქუჩა, სადაც ყვითელ სამარშრუტო ტაქსებს ექნებათ შესაძლებლობა, მხოლოდ მოსაცდელებზე გაჩერდნენ მგაზვრების აყვანისთვის. 

„დღეს მიკროავტობუსები ნებისმიერ ადგილზე ჩერდებიან და მგზავრები, რომლებიც ჩამოდიან, ქუჩებზე გადარბიან. ეს ძალიან სერიოზულ პრობლემას წარმოადგენს, რითაც საფრთხეს უქმნიან, როგორც საკუთარ თავს, ასევე მძღოლებსაც. ეს ყველაფერი უნდა შეიცვალოს და მოწესრიგდეს“, - განაცხადა კახა კალაძემ. 

დედაქალაქის მერმა ტრანსპორტისა და კეთილმოწყობის საქალაქო სამსახურებს სთხოვა, აღნიშნული საპილოტე პროექტის ამოქმედებამდე, კონკრეტულ ქუჩებზე ინფრასტრუქტურული სამუშაოები განახორციელონ.

კონკრეტულად რომელ ქუჩებს შეეხება საპილოტე პროგრამა და რა სქემით განხორციელდება, ინფორმაციას ამის შესახებ, მერია უახლოეს დღეებში გამოაცხადებს. 

წყარო: Busines Media Georgia