თბილისში საცობები, ყოველთვის გადაუჭრელი პრობლემაა. მისი სიხშირე თანდათან იზრდება და გამოსავალი არსად ჩანს. არა მხოლოდ პიკის საათებში, დღის განმავლობაში, თითქმის პარალიზებულია დედაქალაქის ყველა სტრატეგიული სატრანსპორტო კვანძი. რითია განპირობებული საოცობების პრობლემა? რამდენიმე ფაქტორის გამოყოფაა საჭირო- თანდათან იზრდება დედაქალაქის მაცხოვრებლების რიცხვი, ეს კი თავისთავად განპირობებულია რეგიონებიდან მოსახლეობის გადინებით, რაც თავისთავად გამოწვეულია სამუშაო ადგილების ძიებით. შემდეგი ორი ფაქტორიც ზემოთხსენებულიდან გამომდინარეობს, გაზრდილ მოსახლეობას საცხოვრებელი ფართი სჭირდება, ეს კი მშენებლობების რიცხვის ზრდას იწვევს,  ქალაქი კი  ახალ-ახალი კორპუსებით იტვირთება. მესამე ფაქტორი კი თავად სატრანსპორტო საშუალებების რიცხვის ზრდაა, ეს არის, როგორც კერძო ტრანსპორტი(მანქანები) ასევე საზოგადოებრივი ტრანსპორტი(  მიკროავტობუსები და ავტობუსები). გაზრდილია ე.წ „ტაქსების“ რაოდენობაც. საკმაოდ დიდ პრობლემას ქმნის ქალაქის ტერიტორიაზე ტრანზიტული მოძრაობაც.

საცობების პრობლემას განსაკუთრებით ცენტრალური ქუჩები და დიდი დასახლებები უჩივის. გადატვირთული მოძრაობა განსაკუთრებით, გამოიკვეთება ვაკე, საბურთალო, დიდუბე-ჩუღურეთის რაიონებში.

პიკის საათებში თუ მოხვდებით ცენტრალურ ქუჩებზე, იქ სუნთქვა შეუძლებელია, ჰაერი გაჯერებულია გამონაბოლქვით გამოწვეული ტოქსიკური აირებით, ამ ქუჩების მცხოვრებთათვის შეუძლებელია ფანჯრის გაღებაც.

რითი შეიძლება მოგვარდეს/შემსუბუქდეს  საცობების პრობლემა?

-პირველ რიგში აუცილებელია მოწესრიგდეს საზოგადოებრივი ტრანსპორტის მოძრაობა. გაჩერება მოხდეს მხოლოდ გაჩერებებზე, ქუჩებში გამოიყოს სპეციალური ზოლები, სადაც მხოლოდ საზოგადოებრივი ტრანსპორტი შეძლებს გადაადგილებას(რამდენიმე ქუჩა დახაზულია, მაგრამ ეს არ არის საკმარისი)

-მოწესრიგდეს დასუფთავების სამსახურის მანქანების მოძრაობის გრაფიკი.

-კიდევ უფრო გამკაცრდეს ტრანზიტულ მოძრაობაზე კონტროლი.

-აუცილებელია შსს-ს ჩართულობა საცობების აღმოსაფხვრელად.

-მნიშვნელოვანია შემოვლითი გზების პროექტების განხორციელება.

-უნდა გაკონტროლდეს მშენებლობები

ბოლო პერიოდში მერია აქტიურად ჩაერთო საცობების მოგვარების კუთხით. შემოიღეს მანქანების ტექ.შემოწმება, შემოიღეს რეგულაციები ტაქსებთან მიმართებით, გამოკვეთეს კონკრეტული უბნები, რომლებზეც მიკროავტობუსები გაჩერდებიან, მხოლოდ, გაჩერებებზე. მოგვარდა სააკაძის მოედნის საცობის პრობლემა. ეს ყველაფერი საკმარისი არ არის, ფაქტია, რომ ქალაქი კვლავ უსაშველო საცობების პრობლემის წინაშე დგას.