უძრავი ქონების შეძენა ძალიან მნიშვნელოვანი, საპასუხისმგებლო და რთული პროცესია.     უძრავი ქონების ბაზაზრი საკმაოდ მრავალფეროვანია, თუმცა,   არსებული შემოთავაზებებიდან მისაღები ვარიანტის შერჩევა მაინც რთულია.   უძრავი ქონების სააგენტო „Myclient.ge“-ს დირექტორის, გვანცა გუჯელაშვილის განცხადებით, „უძრავი ქონების შეძენა ძალიან კარგი ინვესტიციაა, რომელსაც განსაკუთრებული ძალისხმევა არ სჭირდება. მთავარია, ყველა პროცედურა, რომელიც უძრავი ქონების შეძენისთვის არის საჭირო, სამართლებრივად სწორად გაიარო, რათა ყველა რისკი, რაც შეიძლება ამას ახლდეს, თავიდან აიცილო“.

 რა უნდა გაითვალისწინონ მოქალაქეებმა უძრავი ქონების შეძენისას?

პირველი და ყველაზე სწორი ნაბიჯი არის ის, რომ უძრავი ქონების სააგენტოს მიმართონ.   რა თქმა უნდა, განცხადებების განთავსება სხვადასხვა საიტზეც შეიძლება, მაგრამ საქმე ის არის, რომ თუკი საქმეში პროფესიონალი ბროკერები ჩაერთვებიან, ადამიანები დაზოგავენ დროს, ენერგიას და რაც მთავარია,  უძრავი ქონების შეძენის პროცესი სამართლებრივადაც დაცული იქნება. როდესაც „Myclient.ge“-ში მოდიან მოქალაქეები ჩვენ არა მხოლოდ უძრავი ქონების მოძებნაში ვეხმარებით მათ, არამედ სრულ იურიდიულ მომსახურებასაც ვუწევთ და ამიტომ, ჩვენი პრაქტიკიდან გამომდინარე შეგვიძლია, ვთქვათ, რომ უძრავი ქონებას, რომელსაც შევიძენთ, შესაძლოა, ბევრი პრობლემა ახლდეს თან.

კონკრეტულად რა პრობლემები შეიძლება, ახლდეს უძრავ ქონებას, რომლის შეძენასაც ვაპირებთ ?

 ხშირია შემთხვევები, როდესაც პირი ისე ყიდულობს უძრავ ქონებას, რომ წერილობით ნასყიდობის ხელშეკრულებასაც არ აფორმებს ან აფორმებს, თუმცა არ არეგისტრირებს ამ ხელშეკრულებას საჯარო რეესტრში, რაც, ბუნებრივია, არ წარმოშობს შეძენილ ქონებაზე საკუთრების უფლების რეგისტრაციის საფუძველს.

 კიდევ ერთი აქტუალური პრობლემა, რაც უძრავი ნივთის შეძენას შეიძლება ახლდეს, არის, როდესაც პირი ამ ქონებაზე ყოველგვარი ინფორმაციის მოძიებისა და გადამოწმების გარეშე ყიდულობს უძრავ ქონებას, ხოლო მოგვიანებით შეიტყობს, რომ შეძენილ ქონებას გადმოჰყვა იპოთეკა და სწორედ ის წარმოადგენს სრულიად უცხო პირის (კრედიტორის) სესხის დაფარვაზე ვალდებულ პირს, წინააღმდეგ შემთხვევაში კი შემძენი დგება მისი ქონების იძულებით აუქციონზე რეალიზაციის საფრთხის წინაშე. ანალოგიური პრობლემა შეიძლება, წარმოიშვას საჯარო რეესტრის ამონაწერის ერთ-ერთ გრაფაში - „ვალდებულებაში“ რეგისტრირებული მონაცემების გაუთვალისწინებლობამ, რის შედეგადაც, შეიძლება, აღმოჩნდეს, რომ უძრავ ქონებაზე რეგისტრირებულია გარკვეული სახის ვალდებულება.

სამართლებრივად რა უნდა გავითვალისწინოთ უძრავი ქონების შეძენისას?

პირველ ყოვლისა, უძრავი ნივთის შესაძენად აუცილებელია გარიგების წერილობითი ფორმით დადება შემძენზე და ამ გარიგებით განსაზღვრული საკუთრების უფლების რეგისტრაცია საჯარო რეესტრში.  ასევე, წინასწარ აუცილებლად უნდა გადაამოწმოთ გადაამოწმეთ უძრავი ნივთის მესაკუთრე!

შემძენის ინტერესების დაცვის მიზნით, სამოქალაქო კოდექსი განმარტავს, რომ გამსხვისებელი ითვლება მესაკუთრედ, თუ იგი ასეთად არის რეგისტრირებული საჯარო რეესტრში, გარდა იმ შემთხვევებისა, როცა შემძენმა იცოდა, რომ გამსხვისებელი არ იყო მესაკუთრე. ამდენად, შემძენმა უძრავი ნივთის შეძენისას უნდა იხელმძღვანელოს ნასყიდობის საგნის შესახებ საჯარო რეესტრში დაცული მონაცემებით.

რა არის ამონაწერი საჯარო რეესტრიდან?

ამონაწერი საჯარო რეესტრიდან გახლავთ საჯარო და ნებისმიერი პირისათვის ხელმისაწვდომი. უძრავი ნივთის საჯარო რეესტრში რეგისტრაციის შედეგად, საჯარო რეესტრიდან გაიცემა ამონაწერი. იგი, პირველესყოვლისა, ადასტურებს პირის საკუთრების უფლებას კონკრეტულ უძრავ ნივთზე (მიწის ნაკვეთი, შენობა-ნაგებობა); ასევე, ასახავს აღნიშნული უძრავი ქონების სამართლებრივ მდგომარეობას, მახასიასიათებელ ნიშნებს (საკადასტრო კოდი, მისამართი, ნაკვეთის საკუთრების ტიპი, ნაკვთის დანიშნულება, დაზუსტებული ფართობი, შენობა-ნაგებობების ჩამონათვალი, შენობის ნომერი და ფართი).  

რაზე უნდა გავამახვილოთ განსაკუთრებული ყურადღება საჯარო რეესტრიდან ამონაწერის წაკითხვისას?

ამონაწერი შედგება რამდენიმე გრაფისაგან: საკუთრების განყოფილება, მესაკუთრის განყოფილება, იპოთეკა და ვალდებულება. თითოეული გრაფა პოტენციური მყიდველისთვის არსებითი ინფორმაციის შემცველია, ამიტომ შემძენი შესაძლო გართულებების თავიდან აცილების მიზნით წინასწარ უნდა გაეცნოს და გაითვალისწინოს საჯარო რეესტრის ამონაწერის ყველა გრაფაში მითითებული ინფორმაცია.

  უძრავი ქონების სააგენტო „Myclient.ge“-ს დირექტორი, გვანცა გუჯელაშვილი მოქალაქეებს ურჩევს, უძრავი ქონება პროფესიონალი ბროკერების გახმარებით მოძებნონ და შეიძინონ,  რადგან „უძრავი ქონების შეძენა ძალიან მნიშვნელოვანი კაპიტალდაბანდებაა, რომელიც აუცილებლად გონივრულად და სამართლებრივად დაცულად უნდა განვახორციელოთ“.