ვარკეთილის მესამე მასივში ავარიული სახლი ჩამოინგრა. კორპუსში რამდენიმე ოჯახი ცხოვრობდა. ნგრევას მსხვერპლი არ მოჰყოლია. 

მე-6 კვარტლის ავარიული კორპუსიდან თბილისის მერიამ მოსახლეობა 11 წლის წინ გაიყვანა და მას შედეგ ქირას უხდიდა. შეთახმების თანახმად, მოსახლეობას ინვესტორი უნდა მოეძებნა, რომელიც იმავე ადგილას ახალ კორპუსს ააშენებდა. როგორც მოსახლეობა აცხადებს, რამდენიმე ინვესტორი მოძებნეს, თუმცა მერიასა და ინვესტორს შორის შეთანხმება ვერ შედგა. 

„კოეფიციენტზე ვერ შეთანხმდნენ მერია და ინვესტორი. რამდენი მოვძებნეთ, ყველას ხელი შეუშალეს ახალი კორპუსის მშენებლობაში. აქამდე მერია ქირას მაინც გვიხდიდა. თავიდან 200 ლარი იყო ოჯახზე, ბოლოს 300 გახდა, მაგრამ ბევრ ოჯახს, მოუხსნეს ქირა, იმ მიზეზით რომ მათ მიწის ნაკვეთი ან რაიმე სხვა ქონება შეიძინეს“, - განაცხადა ავარიული კორპუსიდან გასახლებულმა მოსახლეობამ.