info@myclient.ge 0322 728-528 574-77-24-04; 574 08 12 00; 574 08 12 01
20 September 2018
4469
რა ღირს თბილისში მანსარდული ტიპის ბინები?

იცით, რომ მანსარდული ტიპის ბინები თბილისში, დღითიდღე უფრო პოპულარული ხდება? ამის მიზეზი ძირითადად, მისი  ღირებულებაა. უძრავი ქონების სააგენტო Myclient.ge, რომელიც მუდმივად იკვლევს ბაზარზე არსებულ მდგომარეობას, აცხადებს, რომ „დღეს მანსარდული ტიპის ბინები ყველაზე იაფი ღირს“. 

 საქმე ის არის, რომ მანსარდის ტიპის ბინებში 1 კვ.მ ფართობის შავი კარკასის მშენებლობა, როგორც წესი 40 ლარიდან, ხოლო თეთრი კარკასის - 100 ლარიდან იწყება, ეს იმ შემთხვევაში, თუ მანსარდული ტიპის ბინა თაბაშირ-მუყაოთია გაკეთებული; თუმცა, თუკი ხარისხს დიდ მნიშვნელობას ანიჭებთ, სპეციალისტები უპირატესობას ხის მასალას ანიჭებენ.

 

 პირველყოვლისა, მოგიყვებით, რა არის მანსარდი. ეს არის სახლის ბოლო სართული/სხვენი, რომელიც წლების წინ გამოიყენებოდა, როგორც უსარგებლო ნივთების შესანახი ადგილი ან საერთოდ არაფერში გამოიყენებოდა.  დღეს მანსარდი ძალიან პოპულარული გახდა, რატომ ? იმიტომ რომ , ამ სივრცეში ნამდვილად არაჩვეულებრივი პოტენციალია იმისა, რომ განუმეორებელი დიზაინი შეიქმნას. 

 

 როგორ ხდება ამ ტიპის უძრავი ქონების საკუთრებაში გადაცემა ? 

 

როგორც წესი, მრავალსაცხოვრებლიან კორპუსში არსებული სხვენი კორპუსში მცხოვრებ ყველა ოჯახს ეკუთვნის ხოლმე. აღნიშნულ საკითხს, ანუ სხვენის საკუთრებაში გადაცემას „ამხანაგობის შესახებ საქართველოს კანონი“ აწესრიგებს, რომლის თანახმადაც, სხვენის საკუთრებაში გადაცემა ორ კატეგორიად იყოფა. პირველ შემთხვევაში, თუკი პირი ამხანაგობის შესახებ კანონის ამოქმედებამდე ფლობდა სხვენს, როგორც საკუთარს, საკუთრების უფლების რეგისტრაციისთვის მან უნდა წარადგინოს კრების ოქმი, ამხანაგობის 2/3-ის თანხმობით, რომელიც დაადასტურებს სამეურნეო სათავსოს ამხანაგობის წევრის ინდივიდუალურ საკუთრებაში არსებობის ფაქტის დადასტურების შესახებ. ხოლო, მეორე შემთხვევაში, თუ 2007 წლამდე ფლობის ფაქტი არ ფიქსირდება, ასეთ დროს პირმა უნდა წარადგინოს საკუთრების შესახებ ამხანაგობის წევრთა 100%-იანი თანხმობით შედგენილი შედგენილი კრების ოქმი. ასევე, ისეთ შემთხვევაში, როდესაც გსურთ, საკუთრებაში გადმოგეცეთ სხვენი, რომელიც იმ კორპუსში, სადაც თქვენ არ ცხოვრობთ, საკითხი დგას ასე - სხვენის რეგისტრაციისთვის ასევე აზომვითი ნახაზი და ამხანაგობის თავმჯდომარის მიერ ხელმოწერილი და ნოტარიუსის მიერ დამოწმებული კრების ოქმი გესაჭიროებათ.

 

რომელი უწყება გასცემს ნებართვას სხვენის მშენებლობაზე ? 

 

 როდესაც სხვენის, იგივე მანსარდის მშენებლობას გადაწყვეტთ, აუცილებლად მიმართეთ მერიის არქიტექტურის სამსახურს, რომელიც შესაბამისი დასკვნის საფუძველზე იძლევა სამუშაოების დაწყების უფლებას. მას შემდეგ, როცა მერიისგან მიიღებთ მანსარდული ტიპის ბინის მშენებლობის ნებართვას, შემდეგი ნაბიჯი უკვე სამშენებლო მასალების შერჩევაა, რაც აუცილებლად გასათვალისწინებელი ფაქტორია. მნიშვნელოვანია, მშენებლობა განახორციელოთ მასალით, რომელიც შემდგომში კორპუსს/საცხოვრებელ  სახლსა და მის სიმყარეს ზიანს არ მიაყენებს. 

 

რაც შეეხება მის მოწყობას; როგორც წესი, მანსარდს აქვს ფართი, რომელიც საკმარისია სრულფასოვანი ოთახისთვის, თუმცა მას ბევრი თავისებურებაც ახასიათებთ. ამიტომ, როდესაც მისი დაგეგმარების პროცესს დაიწყებთ, მოგიწევთ ამის გათვალისწინება . უნდა აითვისოთ მთელი სივრცე – გამოიყენოთ მაღალი ჭერი, ოთახის კუთხეები და ა.შ . კარგი იქნება, თუ მანსარდი აშენდება თქვენი პროექტით, რომელიც ითვალისწინებს ამ სივრციდან საცხოვრებელი ოთახის შექმნას. ასეთ შემთხვევაში, იოლია ოთახის გაფორმების სტილის შერჩევა . თუ ადრე ეს ადგილი ასრულებდა სხვენის ფუნქციას და ახლა გადაწყვიტეთ მისი მოდერნიზაცია, თქვენ მაინც შეგიძლიათ, ორიგინალური დიზაინი მოიფიქროთ.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge