info@myclient.ge 0322 728-528 574-77-24-04; 574 08 12 00; 574 08 12 01
22 September 2018
3287
რა უნდა გაითვალისწინოთ უძრავი ქონების შეძენის დროს- რჩევები Myclient.ge-სგან

უძრავი ქონების შერჩევა ზედმიწევნით, სკრუპულოზურ და ნიუანსურ დაკვირვებას მოითხოვს. ეს საკმაოდ სერიოზული ნაბიჯია ადამიანის ცხოვრებაში,  უნდა გააცნობიერო, რომ ეს ერთ-ერთი  მსხვილი ინვესტიციაა, რომელსაც შენი ცხოვრების განმავლობაში დებ. არასწორად შერჩეული უძრავი ქონება არასწორად გადადგმული ნაბიჯი და ტყუილ-უბრალოდ  გადაყრილი თანხაა. ბინის შეძენამდე უამრავი დეტალი უნდა იქნეს გათვალისწინებული :

                                               

-ბინის შეძენა თანხის გარეშე შეუძლებელია, თუ თქვენ  სესხის მეშვეობით აპირებთ უძრავი ქონების ყიდვას, წინასწარ რამდენიმე ბანკს უნდა დაუკავშირდეთ და ყურადღებით მოისმინოთ და გაეცნოთ მათს შემოთავაზებებს, პირობებს და სწორედ ამის გათვალისწინებით განსაზღვროთ, რომელი ბანკის შემოთავაზებული პირობები, პროცენტი და  ვადაა თქენთვის მისაღები.

 

-ბინის შერჩევის ყველაზე მნიშვნელოვანი დეტალი მშენებლობის ან უკვე აშენებლი ბინის ხარისხი და სიმტკიცეა. ასევე გასათვალისწინებელია უსაფრთხოების ნორმები. აუცილებლად გაარკვიეთ, აკმაყოფილებს თუ არა საცხოვრებელი კორპუსი იმ სტანდარტებს, რომლებიც ადამიანთა უსაფრთხოებას ემსახურებიან. ძველი კორპუსის შემთხვევაში ყურადღება მიაქციე მის ავარიულობას, ხშირ შემთხვევაში ბზარები გარედანვე შეიმჩნევა, მაგრამ უფრო დეტალური დათვალიერებისთვის დაიხმარეთ ადამიანი, რომელიც მსგავს საკითხებში კარგად ერკვევა. არსებობის შემთხვევაში მოითხოვეთ ექსპერტიზის დასკვნა ბინის მდგომარეობის შესახებ.

 

-დიდი ყურადღება მიაქციეთ სამშენებლო მასალის ხარისხს, გაარკვიეთ, თუ რა მასალაა გამოყენებული მშენებლობის დროს, არის თუ არა ის ეკოლოგიურად სუფთა,  არის თუ არა ის ენერგოეფექტური, უზრუნველყოფს თუ არა ხმის იზოლაციას. ყველაფერ ამის დადგენა თქვენ თავიდან აგაცილებთ ჯანმრთელობის პრობლემებს, რომლებსაც უხარისხო სამშენებლო მასალა იწვევს.

 

 

-მშენებარე ან ახალაშენებული ბინის შეძენის შემთხვევაში, მნიშვნელოვანია სამშენებლო კომპანიის შერჩევა, წინასწარ მოიძიეთ ინფორმაცია, გადახედეთ, გადაამოწმეთ იმ სამშენებლო კომპანიის ისტორია და რეპუტაცია,  რომელზეც არჩევანს შეაჩერებთ, დარწმუნდით, რომ დათქმულ დროს ჩაგბარდებათ ბინა.  ყურადღებით გაეცანით მათს პირობებს, გამოყავით უპირატესობები და მოინიშნეთ რა არ მოგწონთ, გაარკვიეთ თუ რა მასალას იყენებენ მშენებლობისთვის,  ეს გაგიადვილებთ არჩევანის გაკეთების პროცესს. უმჯობესია არჩევანი მსხვილ და ცნობილ სამშენებლო კომპანიებზე გააკეთოთ.

 

-ხელშეკრულების გარეშე ბინის მფლობელს ნუ დაუტოვებთ ე.წ „ბე“-ს. გააფორმეთ ორმხრივი შეთანხმება, იმისთვის, რომ ორივე მხარის უფლებები თანაბრად იქნეს დაცული.

 

-დიდი მნიშვნელობა ენიჭება უძრავი ქონების ბაზარზე დასაქმებული პიროვნების, ე.წ მაკლერის შერჩევასაც. აგენტმა დეტალურად უნდა შეისწავლოს არსებული ბაზარი, უნდა გაითვალისწინოს ქვეყანის ეკონომიკური მდგომარეობა და ყველაფერ ამის გაანალიზების შემდეგ კომპეტენტური რჩევები და რეკომენდაციები უნდა მისცეს პიროვნებას, რომელიც მას უკავშირდება.უძრავი ქონების ბროკერმა უნდა მოგაწოდოთ ინფორმაცია, თუ სად რომელი მშენებლობა მიმდინარეობს, რომელი კომპანიები აშენებენ ხარისხიანად; ძირითადად, რომელი კომპანიები ასრულებენ მშენებლობას დათქმულ დროში, რომელ ტერიტორიაზე რა ფასებია მისაღები და სხვ.

 

 

-მნიშვნელოვანია იურიდიული დეტალების გათვალისწინებაც. უძრავი ქონების შეძენამდე აუცილებლად უნდა ნახოთ ამონაწერი საჯარო რეესტრიდან.  დღევანდელი მდგომარეობიდან გამომდინარე მოსახლეობის დიდ ნაწილს ფართები იპოთეკით აქვთ დატვირთული, ამ  დროს კი სხვა პრობლემებიც წარმოიშვება, მაგალითად ყადაღა უძრავ ქონებაზე. მყიდველი დაზღვეული რომ იყოს, რეგისტრაციის პროცესის დაწყებამდე რამდენიმე დღით ადრე უნდა გადაამოწმოს ეს ქონება, რათა დარწმუნდეს, რომ ის არც დაყადაღებულია და არც სხვაზეა გადაფორმებული.

 

ჩვენი კომპანია Myclient.ge  წარმოქმნილი პრობლემების წინასწარ გამოკვლევას, სიტუაციის შესწავლას და მომხმარებლების საქმის კურსში ჩაყენებას უზრუნველყოფს. ჩვენი წარმომადგენლები მომსახურების სრულფასოვანი სერვისის შეთავაზებასთან ერთად მომხმარებლებს სასურველი უძრავი ქონების უფლებრივად სუფთა მდგომარეობაში შეძენაში ეხმარებიან. რაც მთავარია ჩვენი სერვისი არის სრულიად უფასო.  ჩვენი უპირველესი მიზანია დროში სწრაფად და ხარისხიანად  მოვემსახუროთ კლიენტს, რომელსაც უძრავ ქონებაში თავისუფალი სახსრების დაბანდება სურს.  

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge