info@myclient.ge 0322 728-528 574-77-24-04; 574 08 12 00; 574 08 12 01
09 October 2018
1091
Myclient.ge გირჩევთ,როგორ შეარჩიოთ საშენი მასალები სწორად?

 მშენებლობა ერთ-ერთი ურთულესი პროცესია, რომელსაც ადამიანი შეიძლება, წააწყდეს ცხოვრებაში. როდესაც მშენებლობას ვიწყებთ, ვიწყებთ იმაზე ფიქრს, თუ როდის დასრულდება მშენებლობა და როდის დავინახავთ მზა ნაგებობას, თუმცა არ ვაკვირდებით ერთ-ერთ ყველაზე მნიშვნელოვანს - მშენებლობის ხარისხს; ნაკლებ ყურადღებას ვუთმობთ სამშენებლო მასალების შერჩევას; არა და სწორედ ეს დეტალი განსაზღვრავს, შენობის სიმყარეს, დაცულობას, უსაფრთხოების ხარისხს და ა.შ.  საქმე ხომ ჩვენს საცოხვრებელ სახლს ეხება, ეს უკანასკნელი კი ჩვენთვის განსაკუთრებული სივრცეა, ამიტომ, დიდი მნიშვნელობა აქვს მშენებლობის ხარისხს, რადგან კარგად შერჩეული სამშენებლო მასალები ერთგვარი გარანტიაა იმისა, რომ თქვენი სახლი იქნება მყარი და დიდხანს არ დასჭირდება ხელის შევლება.  გასათვალისწინებელია ისიც, რომ შესაძლოა, კარგი ხარისხის სამშენებლო მასალები შედარებით ძვირი ღირდეს, თუმცა ჩვენი რეკომენდაცია იქნება, რომ ამ დეტალმა არ შეგაფერხოთ - შესაძლოა, მშენებლობა შედარებით ძვირი დაგიჯდეთ, თუმცა უფრო მაღალი ხარისხის შედეგი მიიღოთ, ვიდრე დაბალფასიანი და უხარისხო მასალებით.

 

Myclient.ge გირჩევთ, რომელ სამშენებლო მასალებზე უნდა გაამახვილოთ ყურადღება განსაკუთრებით, რათა მოსალოდნელ უსიამოვნებებს მშენებლობის პროცესში ან შემდგომ პერიოდში თავი აარიდოთ.

 

ცემენტი: როგორც წესი, მშენებლობისას სტანდარტული ხარისხის ცემენტს იყენებენ ხოლმე, თუმცა, ბოლო პერიოდში, ქართულ ბაზარზე ძალიან საეჭვო გახდა ცემენტის ხარისხიანობის საკითხი, ამიტომ ამ უკანასკნელის შერჩევისას მეტი ყურადღება გმართებთ. გირჩევთ, უპირატესობა მიანიჭოთ შედარებიც ცნობილ ბრენდს, რომელსაც სანდოობაც მაღალი აქვს. ან თუ არ დაიზარებთ და გაარკვევთ, რომელი დასახელების ცემენტს აქვს გავლილი შემოწმება და რომელმა დააკმაყოფილა სტანდარტებით წაყენებული მოთხოვნები.  

 

რკინა-ბეტონი: თუ გინდათ, რომ შენობა, რომელსაც აშენებთ, იყოს მყარი და ძლიერი სტრუქტურის,  აუცილებლად მოგიწევთ რკინაბეტონის გამოყენება. საქართველოს კანონმდებლობის თანახმად, რკინაბეტონის კონსტრუქციები უნდა აკმაყოფილებდეს რიგ მოთხოვნებს, შესაბამისად როდესაც საქმე რკინაბეტონის გამოყენებასთან გექნებათ, გირჩევთ, ყურადღება გაამახვილოთ ამ უკანასკნელის სწორად გაკეთებაზეც. 

 
ხე:  პირველი, რაც უნდა გაითვალისწინოთ, ხის ჯიშის შერჩევის შემდეგ, მისი ასაკია. მუქი ფერის ხე, როგორც წესი, მეტად ასაკიანი და გამძლეა. ისეთი ხე აირჩიეთ, რომლის წყლის  შემცველობაც 20%-ზე ნაკლებია, რათა გარანტირებული იყოს მისი სიმტკიცე. დარწმუნდით, რომ იგი გამომშრალია, რომ ადვილად არ დალპეს.


ქვიშა და ხრეში: მშენებლობის პროცესში ქვიშისა და ხრეშის მნიშვნელობა განუსაზღვრელია. მათი ბუნებრივ მასალებთან არევა დადებითად მოქმედებს კედლის სიმტკიცეზე. გაუსუფთავებელი ქვიშისა და ცემენტის გამოყენება თქვენგან ზედმეტ ძალისხმევას მოითხოვს, ამიტომ, დაამუშავეთ ისინი და ისე გამოიყენეთ.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge