თბილისის მერია არქიტექტორების სერტიფიცირების სისტემის დანერგვაზე მუშაობს. ამ მიზნით მუნიციპალიტეტის ხელმძღვანელებმა პარლამენტის დარგობრივი ეკონომიკისა და ეკონომიკური პოლიტიკის კომიტეტთან არსებულ სამუშაო ჯგუფში შეხვედრა გამართეს.
როგორც თბილისის ვიცე-მერმა ირაკლი ხმალაძემ ჟურნალისტებს განუცხადა, იმ საკანონმდებლო წინადადებაზე მუშაობა, რომელიც არქიტექტორების პროფესიულ საქმიანობას დაარეგულირებს, ჯერ არ დასრულებულა.
"არქიტექტურულ წრეებში მიიჩნევენ, რომ ეს მიზანშეწონილი გადაწყვეტილებაა და ჩვენც ასე ვფიქრობთ. ეს ყველაფერი ბაზარზე, ქალაქის მასშტაბით, უფრო კვალიფიციური არქიტექტურული მომსახურების გაჩენას და მერიაში უფრო კვალიფიციური პროექტების წარმოდგენას ემსახურება. ჩვენ ვეცდებით არქიტექტურულ ბაზარზე, თბილისის მასშტაბით, მნიშვნელოვანი გარდატეხა მოვახდინოთ", - განაცხადა ხმალაძემ.
ამასთან, როგორც თბილისის არქიტექტურის სამსახურის უფროსმა თემურ ბოლოთაშვილმა განაცხადა, სერტიფიცირების პროცესი სავარაუდოდ, 2019 წლის მეორე ნახევარში დაინერგება და შესაბამის საკვალიფიკაციო ტესტირებას გამოცდების ეროვნული ცენტრი ჩაატარებს.
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge