info@myclient.ge 0322 728-528 574-77-24-04; 574 08 12 00; 574 08 12 01
26 December 2018
554
მიწის უცხოელებზე მიყიდვის საკითხი გაზაფხულზე გადაწყდება

პარლამენტის აგრარული კომიტეტის თავმჯდომარის ოთარ დანელიას განცხადებით, მიწის უცხოელებზე მიყიდვის საკითხის კენჭისყრა გაზაფხულის სესიებზე ჩატარდება. მისი განმარტებით, მნიშვნელოვანია პროცედურის გათვალისწინება, რადგან კანონის ინიცირება, რომელიც 1 წელია უკვე მზად არის, მხოლოდ ახალი კონსტიტუციის ამოქმედების და პრეზიდენტის ინაუგურაციის შემდეგ გახდა შესაძლებელი.

„პირველ რიგში მნიშვნელოვანია, რომ პროცედურა გავითვალისწინოთ. აღნიშნული კანონის ინიცირება შეიძლებოდა მხოლოდ ახალი პრეზიდენტის ინაუგურაციის შემდეგ, ვინაიდან ახალი კონსტიტუცია შედიოდა ძალაში. შესაბამისად, საგაზაფხულო სესიებზე ვგეგმავთ უკვე ინიცირებას, პროექტი მზად არის თითქმის 1 წელიწადია. თებერვლიდან საკმაოდ საინტერესო პერიოდი გვექნება, როდესაც მოხდება კანონპროექტის ინიცირება და კენჭისყრა“- განაცხადა დანელიამ.

შეგახსენებთ, რომ კონსტიტუციის ახალი რედაქციის მიხედვით, მიწა არის რესურსი, რომლის გაყიდვაც უნდა დაარეგულიროს ორგანულმა კანონმა, მის შემუშავებაზე პარლამენტი საკმაოდ დიდი ხანია მუშაობს.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge