info@myclient.ge 0322 728-528 574-77-24-04; 574 08 12 00; 574 08 12 01
14 January 2019
514
რა ახალი მოთხოვნის დაკმაყოფილება მოუწევს ფინანსურ ორგანიზაციას სესხის უცხოურ ვალუტაში გაცემისას

ეროვნული ბანკი მომხმარებელთა უფლებების დაცვის წესში გარკვეული ცვლილებების შეტანას გეგმავს. აღნიშნულთან დაკავშირებით პროექტი სებ-მა გასული წლის მიწურულს გამოაქვეყნა.

ეროვნული ბანკის ცნობით, ცვლილებების მიზანი საფინანსო სექტორისადმი საზოგადოების ნდობის ამაღლება, მომხმარებელთა ინტერესების მაქსიმალურად დაცვა და ბაზარზე არსებული საფინანსო პროდუქტების შესახებ ინფორმაციის გამჭვირვალობის უზრუნველყოფაა.

აღსანიშნავია, რომ ცვლილებათა პროექტი სესხის უცხოურ ვალუტაში გაცემისას ფინანსურ ორგანიზაციას ახალ მოთხოვნებსაც უწესებს.

„იმ შემთხვევაში, როდესაც ხელშეკრულება კრედიტის გაცემას უცხოური ვალუტით ითვალისწინებს, საფინანსო ორგანიზაციამ უნდა გააკეთოს ჩანაწერი შემდეგი ფორმულირებით: „უცხოური ვალუტით აღებული სესხი მომხმარებელს მნიშვნელოვანი რისკის წინაშე აყენებს!“. აღნიშნულ ჩანაწერს უნდა მოსდევდეს: „ვალუტის კურსის ცვლილებამ შესაძლოა ლარით გამოხატული შენატანები მნიშვნელოვნად გაზარდოს“,“-აღნიშნულია დოკუმენტში.

დებულების დამტკიცების შემდეგ მისი მოთხოვნები ეროვნული ბანკის რეგულირებისა და ზედამხედველობის ქვეშ მყოფი სესხის გამცემი ყველა ორგანიზაციისათვის, მათ შორის, სესხის გამცემი სუბიექტისათვის გახდება სავალდებულო.

ცნობისთვის, სებ-ის მიერ შემუშავებული „ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში" შესატანი ცვლილებების პროექტი სამართლებრივი აქტის მხოლოდ სამუშაო ვერსიაა, რომელიც საბოლოო რედაქციამდე, განხილვის პროცესში, შესაძლოა, შინაარსობრივი და ტექნიკური ხასიათის ცვლილებებს დაექვემდებაროს.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge