უძრავი ქონების სააგენტო myclient.ge-ს ინფორმაციით, თბილისის ცენტრალურ უბნებში კომერციული ფართების გაყიდვისა და გაქირავების ტენდენცია საგრძნობლად შემცირებულია; როგორც კომპანიის დირექტორი, გვანცა გუჯელაშვილი განმარტავს, „კომერციული ფართები ყველაზე მეტად აღმაშნებლის გამზირზე გამოცარიელდა, არა და ეს ქუჩა უცხოელი ინვესტორების მხრიდან ერთ-ერთი ყველაზე მოთხოვნადი და შესაბამისად, დაკავებულიც იყო“.

 აღნიშნულის მიზეზად Myclient.ge-ში ასახელებენ კომერციული ფართების ფასს, რომელსაც მესაკუთრეები თავიანთი სურვილის მიხედვით, თუმცა შეუსაბამოდ ადებენ, რაც ინვესტორებისთვის მისაღები ღირებულებისგან მნიშვნელოვნად განსხვავდება.

 „ცენტრალურ უბნებში კომერციული ფართების ღირებულება (კვადრატული) 3000-5000 ლარის ფარგლებში მერყეობს, მესაკუთრეები კი თითქმის ორმაგს აფასებენ. ანუ, ბაზარზე არის ასეთი მდგომარეობა-ერთი მხრივ, ყველას უნდა, საკუთარი უძრავი ქონება ერთგვარ შემოსავლის წყაროდ აქციოს, გაყიდოს ან გააქირავოს, მაგრამ ამის მიუხედავად, ხდება ისე, რომ მესაკუთრეები არასწორად, ბაზრის მოთხოვნებისგან განსხვავებულ ფასს ადებენ ქონებებს, რაც თავისუფალი ფულადი სახრების დაბანდების მუსრველებს აფრთხობს და შესაბამისად, მათ შორის მოლაპარაკებების წარმოება შეუძლებელია,“-განმარტავს გუჯელაშვილი.

 Myclient.g-ს ბროკერების თქმით, კომპანიას სხვადასხვა საქმიანობის განხორციელების მიზნით, კომერციული ფართების ყიდვის ან დაქირავების სურვილით ყოველდღიურად მიმართავენ ინვესტორები. მათი მოთხოვნიდან გამომდინარე, კომპანიაში ასახელებენ ყველაზე მოთხოვნად ტერიტორიებს; ესენია, აღმაშენებლის გამზირი, ვაკე საბურთალო და ძველი თბილისი. „როდესაც ჩვენთან მოდიან ადამიანები, რომლებსაც კომერციული საქმიანობისთვის სურთ ფართის დაქირავება, ისინი ცალსახად განმარტავენ, რომ იჯარის ოდენობამ 10 წელიწადში უნდა მოახდინოს ფართის ღირებულების ამოღება,“-განმარტავენ სააგენტოში.

 რაც შეეხება კომერციული ფართების გაყიდვის ტენდენციის შემცირებას, Myclient.ge-ში  იპოთეკური სესხების გაცემის შემცირებით ხსნიან. კომპანიის ბროკერების განმარტებით, ბოლო პერიოდში სამშენებლო კომპანიებს ქონებების, როგორც საცხოვრებელი ბინების, ისე კომერციული ფართების გაყიდვა შეუმცირდა, რაც  გამოიწვია იმან,რომ ბანკიდან სესხის აღება გართულდა/შემცირდა, კომერციული საქმიანობის ტიპის უძრავი ქონებების გაყიდვების რაოდენობაც საგრძნობლად შემცირდა.

 გვანცა გუჯელაშვილი  მიიჩნევს, რომ   თუკი აღნიშნული ტენდენცია კვლავ გაგრძელდება, ბაზარზე მდგომარეობა კიდევ უფრო გაუარესდება, რაც არამარტო ინვესტორებისთვის არის ცუდი, არამედ კერძო მესაკუთრეებიც ჩიხში შევლენ და კიდევ უფრო გაუჭირდებათ  ქონების რეალიზაცია.

 „მდგომარეობას ისიც ართულებს, რომ კერძო მესაკუთრეები დამოუკიდებლად, პროფესიონალი ბროკერების გარეშე ცდილობენ თავიანთი ქონების რეალიზაციას და პრობლემებსაც სწორედ აქ აწყდებიან; ჩვენი კომპანიის გამოცდილებით გეტყვით, რომ როდესაც ინვესტორები მოდიან ჩვენთან, მათ გარკვეული მოთხოვნები აქვთ, სჭირდებათ აუდიტორული შეფასებები, რეკომენდაციები იმასთან დაკავშირებით, თუ რამდენად  მომგებიანი იქნება მათთვის ის კონკრეტული ფართი, ითხოვენ შეფასების სქემას, აინტერესებთ მომგებიანობის კოეფიეციენტი და ა.შ., რაც მესაკუთრეებისთვის გარკვეულ რესურსებთან არის დაკავშირებული,“-განმარტავს იგი.

კომპანია Myclient.ge-ში მიაჩნიათ, რომ მესაკუთრეები გარკვეულ დათმობებზე უნდა წავიდნენ და ბაზრის მოთხოვნებიდან გამომდინარე იმოქმედონ; ბროკერების თქმით, თავისუფალი ფულადი სახსრების დაბანდების მსურველები ამკვიდრებენ ტენდენციას, რომ როდესაც ეძებენ რაიმე ქონებას, ურჩევნიათ, ეს საქმე პროფესიონალ ბროკერებს მიანდონ და შესაბამისად, კერძო მესაკუთრეებამდე დამოუკიდებლად მისვლა ფაქტობრივად, აღარ ხდება. გარდა ამისა, ინვესტორები ყოველთვის ასახელებენ რამდენიმე ასპექტს,რაც მათთვის არის მნიშვნელოვანი: მიიღონ მაღალი ხარისხის მომსახურების სერვისი (რაშიც იგულისხმება პროფესიონალური აუდიტორული შეფასება და იმის გარკვევა, რამდენად მაღალია ამ კონკრეტული ფართის მომგებიანობის კოეფიციენტი), შედეგიანად ითანამშრომლონ მესაკუთრეებთან, ფართი, რომლის ყიდვას/ქირაობასაც აპირებენ, ლოგიკური ღირებულებით იყოს შეფასებული;

„გამომდინარე იქიდან, რომ ინვესტორები მათთვის სასურველი ქონების მოძიებას ძირითადად პროფესიონალ ბროკერებს ანდობენ,  კერძო მესაკუთრეებისთვის ქონებების დამოუკიდებლად რეალიზაცია საკმაოდ რთულია. Myclient-ში კი ყოველდღიურად მოდიან ინვესტორები, რომელთაც აქვთ კონკრეტული მოთხოვნები და ზუსტად იციან, რისი ყიდვა ან დაქირავება სურთ; ამიტომ, კერძო მესაკუთრეებს, რომლებიც ჩვენთან ითანამშრომლებენ, კომრეციული ფართების რეალიზაციაში დავეხმარებით. ამასთანავე, ჩვენ, როგორც რიგითი უძრავი ქონების სააგენტო, მესაკუთრეებს, რომლებსაც არ აქვთ შესაბამისი რესურსი იმისთვის, რომ ინვესტორებს მოემსახურონ ზემოხსენებული მოთხოვნების გათვალისწინებით, ვთავაზობთ სრულიად უფასო მომსახურებას ისეთ საკითხებში როგორიც არის ქონების შეფასება, იურიდიული მომსახურება და ა.შ.,“-განაცხადა გვანცა გუჯელაშვილმა.