თბილისში სამშენებლო სექტორისთვის ახალი რეგულაციები ამოქმედდება. მერის ინიციატივით, დედაქალაქში K2 კოეფიცის გაყიდვა ან  კოეფიციენტის მატება  აიკრძალება. ამ ტიპის  რეგულაცია  რამდენიმე წლის წინ რომ ამოქმედებულიყო,  სპორტის სასახლის უკან მდებარე ეს მაღალსართულიანი საცხოვრებელი სახლები არსებული  სახით  ვერ აშენდებოდა.  დეველოპერებს ტერიტორიის ურბანული განვითარებისთვის კი მეტი დეტალის გათვალისწინება და სივრცის უკეთ დაგეგმვა მოუწევდათ. K2 კოეფიციენტის ზრდა ანუ, შენობის მოცულობის მატება, მხოლოდ გამონაკლისი შემთვევებისთვის იქნება დასაშვები

გენგეგმის ავტორის მამუკა სალუქვაძის განცხადებით,  6 მილიონ კვ.მ  ფართობზე უკვე გაცემულია მშენებლობის ნებართვა და შესაბამისად მათზე კოეფიციენტის შეზღუდვასთან დაკავშირებული რეგულაცია ვერ  გავრცელდება. მამუკა სალუქვაძის განმარტებით, მისთვის უცნობია აღნიშნული ნებართვებიდან რამდენს აქვს K2 კოეფიციენტი ნაყიდი. გენგეგმის ავტორი თბილისში კოეფიციენტების მატების აკრძალვის გადაწყვეტუილებას დადებითად აფასებს.

მენაშენეთა ასოციაციის წევრი და კომპანია არსის დირექტორი თვლის, რომ კოეფიციენტების გაყიდვის აკრძალვა თბილისში მიწის  ღირებულებას  სტაბილურს და პროგნოზირებადს გახდის. თორნიკე აბულაძის თქმით,  რეგულაციების ამოქმედება საჭირო იყო რადგან დედაქალაქში მენაშენეების  95%  ცდილობდა მიღებული სანებართვო პირობები შეეცვალა და კოეფიციენტების ზრდის ხარჯზე მეტი მოგება მიეღო

შეგახსენებთ, რომ თბილისში სამშენებლო სექტორში ახალი რეგულაციები შემოდის. დედაქალაქის მერის კახა კალაძის განცხადებით, აიკრძალება  K2 კოეფიციენტების გაყიდვა და კოეფიციენტების მატება.რეგულაცია გავრცელდება ყველა ნებართვასა და განაშენიანების რეგულირების გეგმაზე,  რომელიც რეგულაციის ამოქმედების მომენტიდან იქნება მიღებული წარმოებაში.