info@myclient.ge 0322 728-528 574-77-24-04; 574 08 12 00; 574 08 12 01
02 March 2019
845
სამშენებლო კომპანია „ბალავარი“: ბოლო 2 თვეში გაყიდვები გაგვინახევრდა

სამშენებლო კომპანია "ბალავარის" ხელმძღვნელის ინფორმაციით, იანვრიდან დღემდე გაყიდვების მაჩვენებელი 50%-ით შემცირდა. 

ბესო თავბერიძის განცხადებით, მნიშვნელოვნად იკლო ბიუჯეტში გადახდილმა თანხებმაც. 

"2-თვიანმა შედეგებმა უკვე დაგვანახა საბანკო რეგულაციების გავლენა. 50%-ს ვეღარ ვყიდით. შესაბამისად, შემცირდა ბიუჯეტში გადახდილი შენატანებიც. თუ მაგალითად, "ბალავარის" ერთი ობიექტი იხდიდა 20,000 ლარს, წინა თვეში შევიტანეთ 30 000 ლარამდე. 

ახლა ვცდილობთ გადაწყობას და შიდა, გრძელვადიანი განვადების გაკეთებას; თუ მქონდა - 2-წლიანი, უნდა შევთავაზო 6-წლიანი განვადება, მაგრამ ეს გამოიწვევს იმას, რომ დაგეგმილზე 3-ჯერ ნელა მომიწევს ახალი ობიექტების აშენება. ფაქტობრივად, ბანკის ფუნქციებს ვითავსებ“, - განაცხადა "საქმიანი დილის" ეთერში თავბერიძემ. 

"ბალავარში" აცხადებენ, რომ რეგულაციებმა მცირე და საშუალო შემოსავლიანი მომხმარებლები დააზარალა; გაყიდვების შენელებამ კი, სამშენებლო სექტორზე მიბმული ბიზნესები და სერვისები თითქმის გააჩერა. 

"ბიუჯეტში შეტანილი თანხების გარდა მნიშვნელოვანია დასაქმებულები. თითო ობიექტზე საშუალოდ 150 კაცი მუშაობს. მე თუ 1 წელიწადში გასაყიდს 3 წელიწადში გავყიდი, რა თქმა უნდა, ამას გავლენა დასაქმებულებზეც ექნება. ასევე ყველა სატელიტი ბიზნესი დაზარალდა, ხელოსნები და ყველა ის პირი, ვინც სამშენებლო სექტორზე იყო მიბმული. მე ვვარაუდობ, რომ ამ რეგულაციებს მომავალში კიდევ უფრო მძიმე გავლენა ექნება და ამის შედეგებს კიდევ უფრო მეტად ბიზნესი ეტაპობრივად იგრძნობს“, ღნიშნა "ბალავარის" ხელმძღვანელმა.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge