საქართველოს უძრავი ქონების ეროვნულმა ასოციაციამ  სტრატეგიის და ჩართულობის დირექტორს, ეროვნული ასოციაციის წევრ, ჯო შნაიდერს უმასპინძლა.

 შეხვედრას ესწრებოდნენ საქართველოს უძრავი ქონების ასოციაციის წევრი კომპანიები, რომლებმაც სპიკერისგან მოისმინეს სიღრმისეული ინფორმაცია იმის შესახებ თუ რა არის რეალტორთა ეროვნული ასოციაცია და რა უპირატესობები აქვს ამ უკანასკნელს უძრავი ქონების სააგენტოებისთვის.

შნაიდერმა დამსწრე საზოგადობასთან რეალტორებისა და ბროკერების განსხვავებაზე ისაუბრა და გააცნო სქემა, თუ როგორ უნდა გახდნენ უძრავი ქონების სააგენტოს წარმომადგენლები რეალტორი საქართველოში.

როგორც  ჯო შნაიდერმა შეხვედრაზე განაცხადა, რეალტორთა ეროვნულ ასოციაციაში მსოფლიოს სხვადასხვა ქვეყნიდან გაწევრიანებულია 1 300 000-მდე წევრი კომპანია, რომელთა საერთო მიზანი რეალტორთა სერვისების დახვეწა და მომხმარებლებისთვის მაქსიმალურად მოქნილი პლატფორმის შეთავაზებაა.

 ღონისძიებას ესწრებოდა უძრავი ქონების სააგენტო Myclient.ge-ს დირექტორი, გვანცა გუჯელაშვილი, რომლის თქმითაც, „შეხვედრა მრავალფეროვანი, საინტერესო და რაც მთავარია სიახლეებით დატვირთული იყო. ის საქმიანობა, რომელსაც რეალტორთა ასოციაცია ახორციელებს,რა თქმა უნდა, ძალიან საინტერესოა და ვფიქრობ, მსგავსი პლატფორმის დანერგვა საქართველოს უძრავი ქონების ბაზარს უფრო სტაბილურსა და სანდოს გახდის. საქმე ის არის, რომ, ეთიკის კოდექსი, რომელსაც  რეალტორთა ასოციაცია განსაკუთრებულ ყურადღებას უთმობს, რადგან მისი მთავარი მიზანი მომხმარებელთა უფლებების დაცვაა, ეს კი, რა თქმა უნდა, ღირსეული საქმიანობისთვის ერთ-ერთი ყველაზე აუცილებელი კომპონენტია“.