info@myclient.ge 0322 728-528 574-77-24-04; 574 08 12 00; 574 08 12 01
26 March 2019
85
თბილისში, დაახლოებით, 170-ზე მეტი დაუსრულებელი ობიექტია

თბილისის მერიის ინფორმაციით, დედაქალაქში, საერთო ჯამში, 170-ზე მეტი დაუსრულებელი ობიექტია. 

როგორც ცნობილია, მერია გამოდის ინიციატივით, რომელიც სწორედ დაუსრულებელი მშენებლობების და ავარიული სახლების ჩანაცვლების შემთხვევაში, არსებული შენობების სიმაღლის მატებას გულისხმობს. 

თბილისის ვიცე-მერი ირაკლი ხმალაძე ამბობს, რომ k2 კოეფიციენტის მატების პრაქტიკა, რომელიც თბილისის მერიამ გააუქმა, სამომავლოდ არ გაგრძელდება და ის მხოლოდ ავარიულ სახლებისა და დაუსრულებელ მშენებლობებს შეეხება. 

“ის რომ k2-ის ზრდის პრაქტიკა დაუმთავრებელ მშენებლობებზე გაგრძელდება, არ არის სწორი, იმიტომ რომ მე მერიაში ვმუშაობ წელიწადზე მეტია და კარგად ვიცი და დავინახე, რა პრაქტიკა არსებობდა და როგორ იმატებდა k2 და პირდაპირ გეუბნებით, რომ k2-ის მატება ასე არ გაგრძელდება არანაირი ტიპის შენობა-ნაგებობზე. ჩვენი გადაწყვეტილება და ინიციატივა არ ეხება მხოლოდ k2-ის მატებას. ჩვენი ინიციატივა ითვალისწინებს მუნიციპალიტეტის მხრიდან ყველა შესაძლო ინსტრუმენტის გონივრულ ფარგლებში გამოყენებას იმისთვის, რომ შეიქმნას სისტემა, რომელიც უზრუნველყოფს გრძელვადიან მუდმივ პროცესში უვარგისი მშენებლობების ჩანაცვლებას და დაუმთავრებელი მშნენებლობების დასრულებას“, - აცხადებს თბილისის ვიცე-მერი ირაკლი ხმალაძე.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge