info@myclient.ge 0322 728-528 574-77-24-04; 574 08 12 00; 574 08 12 01
27 March 2019
177
„თიბისი კაპიტალი“ - 2019 წლის იანვარში დამტკიცებული იპოთეკური სესხების ოდენობა 47%-ით შემცირდა

საქართველოს ეროვნული ბანკის მიერ მიღებული ახალი რეგულაციების შედეგად 2019 წლის იანვარში დამტკიცებული იპოთეკური სესხების ოდენობა 47%-ით შემცირდა. ამის შესახებ საუბარია „თიბისი კაპიტალის“ მიერ უძრავი ქონების ბაზრის კვლევაში.

ამავე კვლევის მიხედვით ირკვევა, რომ 2018 წელს თბილისის საცხოვრებელი უძრავი ქონების ბაზრის მოცულობამ 4,1 მლრდ ლარი შეადგინა, რომლის 65% ახალაშენებული ბინების ტრანზაქციებით იყო განპირობებული.

„ბინების რეალიზებული ფართობი 31%-ით გაიზარდა, რასაც იპოთეკური სესხების ხელმისაწვდომობასთან ერთად, ეროვნული ბანკის მიერ დაანონსებული რეგულაციების მოლოდინმა შეუწყო ხელი. ხოლო რეგულაციების ამოქმედების შემდეგ, 2019 წლის იანვარში დამტკიცებული იპოთეკური სესხების ოდენობა 47%-ით შემცირდა, წინა წლის ანალოგიურ პერიოდთან შედარებით. 2018 წელს მოთხოვნის განსაკუთრებული ზრდა პრემიუმ და საშუალო სეგმენტის ბინებზე დაფიქსირდა. ცენტრალურ უბნებში რეალიზაციის მნიშვნელოვანი ნაწილი დიდი ფართობის ბინებზე მოთხოვნით არის განპირობებული, ხოლო გარეუბნებში შედარებით პატარა ბინების გაყიდვები ჭარბობს“, - აღნიშნულია კვლევაში.

ამავდროულად ახალი სამშენებლო რეგულაციების ფონზე, თბილისში საცხოვრებელი უძრავი ქონების მშენებლობაზე გაცემული ნებართვები წინა წელთან შედარებით 45%-ით არის შემცირებული. „თიბისი კაპიტალის“ გათვლებით, ნებართვების კლება საცხოვრებელი ფართობების შემცირებაში 2021 წელს დასრულებულ მშენებლობებში აისახება.

„სექტორისთვის დამახასიათებელი ფუნდამეტური კრიტერიუმები ჯანსაღად გამოიყურება, რაც ამჟამად სექტორის „გადახურების“ საშიშროებას გამორიცხავს. 2018 წლის ტრანზაქციების საშუალო ფასი წინა წელთან შედარებით 6%-ით გაზრდილია ლარში, ხოლო 5%-ით დოლარში. ყველაზე ძვირი უბნის სტატუსს მთაწმინდა ინარჩუნებს“, - აღნიშნულია კვლევაში.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge