info@myclient.ge 0322 728-528 574-77-24-04; 574 08 12 00; 574 08 12 01
27 March 2019
75
მშენებლობის ღირებულების ინდექსი წინა კვარტალთან შედარებით 4.8%-ით გაიზარდა

სტატისტიკის ეროვნული სამსახურის ინფორმაციით, 2018 წლის მე-4 კვარტალში მშენებლობის ღირებულების ინდექსი წინა კვარტალთან შედარებით 4.8 პროცენტით გაიზარდა.

აღნიშნული ცვლილება, ძირითადად, განპირობებული იყო სამეწარმეო სფეროში მშენებლობის დარგში დაქირავებით დასაქმებულთა საშუალო თვიური ნომინალური ხელფასის 13.4 პროცენტიანი ზრდით, რამაც მთლიან ინდექსზე 3.64 პროცენტული პუნქტით მოახდინა ზეგავლენა. გარდა ამისა, აღნიშნულ პერიოდში 1.8 პროცენტით გაიზარდა ფასები სამშენებლო მასალებზე.

„საქსტატის“ ცნობით, 2017 წლის შესაბამის კვარტალთან შედარებით მშენებლობის ღირებულების ინდექსი 2.6 პროცენტით გაიზარდა. ინდექსის ზრდა, ძირითადად, განაპირობა სამშენებლო მასალებზე ფასების 5.1 პროცენტიანმა ზრდამ, რაც 2.8 პროცენტული პუნქტით აისახა მთლიანი ინდექსის ცვლილებაზე.

აღნიშნულ პერიოდში მშენებლობის დარგში დაქირავებით დასაქმებულთა საშუალო თვიური ნომინალური ხელფასი შემცირდა 1.5 პროცენტით, რაც -0.46 პროცენტული პუნქტით აისახა ინდექსის წლიურ ცვლილებაზე.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge