info@myclient.ge 0322 728-528 574-77-24-04; 574 08 12 00; 574 08 12 01
03 May 2019
53
„ბალავარი“:

„ეროვნული ბანკის პრეზიდენტმაც და მთავრობამაც უნდა გაითვალისწინოს ის, რომ ამოქმედებულ რეგულაციებს ახალი რეგულაციები არ დაემატოს, რადგან ქვეყნისთვის სამშენებლო სექტორს დიდი მნიშვნელობა აქვს,“ - ამის შესახებ სამშენებლო კომპანია „ბალავარის“ ხელმძღვანელმა ბესო თავბერიძემ „საქმიან დილაში“ განაცხადა.

საკითხი ეროვნული ბანკის პრეზიდენტის კობა გვენეტაძის მიერ რამდენიმე დღის წინ გაკეთებულ განცხადებას ეხებოდა, რომლის მიხედვითაც, თუ კომპანიების მიერ შეთავაზებული ახალი ტიპის პროდუქტებს სესხის სახე ექნება, მაშინ მნიშვნელოვანია, რომ მათზეც რეგულირების ის პირობები გავრცელდეს, რაც დღეს ქვეყანაში არსებობს. 
თავბერიძე მიიჩნევს, რომ სამშენებლო სექტორი ის სეგმენტია, სადაც ჭარბვალიანობის პრობლემა ყველაზე ნაკლებად დგას. 

ბიზნესმენი კომპანიაში ამოქმედებულ შიდა განვადებების სისტემაზეც დეტალურად საუბრობს. 

„იმ შემთხვევაში თუ მყიდველმა შიდა განვადებით თანხის გადახდა ვერ მოახერხა ბინის რეალიზაცია ხდება და ის თანხა, რაც მომხმარებელმა შემოიტანა უკან უბრუნდება. 
ჩვენმა კომპანიამ შიდა განვადებების გაცემის დრო გაზარდა. მაგალითად, თუ ადრე მომხმარებელს განვადებაზე ორ წელს ვთავაზობდით ახლა ეს მაჩვენებელი სამ-ოთხ წლამდე გაიზარდა. ეს იმიტომ გავაკეთეთ, რომ მომხმარებელი არ დაგვეკარგა,“ - განაცხადა თავბერიძემ. 

ცნობისთვის, 2019 წლის პირველი იანვრიდან საქართველოს სასესხო ბაზარზე ვითარება მნიშვნელოვნად შეიცვალა. ბანკებს მოქალაქეთა შემოსავლების დადასტურების გარეშე სესხების გაცემა მკვეთრად შეეზღუდათ. ცვლილებამ ყველაზე მეტად გავლენა მცირე ზომის სამომხმარებლო სესხებზე მოახდინა. 

2019 წლის პირველ კვარტალში 5000 ლარამდე მოცულობის სესხების გაცემა წინა წელთან შედარებით 25.7%-ით ანუ 406 მილიონი ლარით შემცირდა.

ამ ცვლილებაზე საპასუხოდ, ბიზნესი თავად გეგმავს საბანკო ფუნქციების შეთავსებას. დეველოპერული კომპანიები, ასევე ელექტროტექნიკის მაღაზიები ახალი მექანიზმების შექმნას გეგმავენ, რათა მომხმარებლებს საგანვადებო სესხის მსგავსი პროდუქტი შესთავაზონ.

საკონტაქტო ინფორმაცია
თბილისი, მიცკევიჩის ქ. N°11
574-77-24-04
0322 728-528
skype www.Myclient.ge
info@myclient.ge