„ჩვენ გვაქვს მომზადებული ძალიან საინტერესო პროექტი “ხრუშოვკების” ეტაპობრივ ჩანაცვლების შესახებ, რასაც უახლოეს მომავალში წარვუდგენთ დედაქალაქის მოსახლეობას“, – ამის შესახებ კახა კალაძემ საკუთარ ვიდეომიმართვაში განაცხადა. „ქართული ოცნების“ თბილისის მერობის კანდიდატი ამბობს, რომ ე.წ. ხრუშოვკების ექსპლუატაციის ვადა დიდი ხანია გავიდა, არის ამორტიზირებული და „მიშენება-დაშენებებით კიდევ უფრო ავარიული და უსახური“.

„ჩვენ გვაქვს მომზადებული ძალიან საინტერესო პროექტი “ხრუშოვკების” ეტაპობრივ ჩანაცვლების შესახებ, რასაც უახლოეს მომავალში წარვუდგენთ დედაქალაქის მოსახლეობას. ამ საბჭოთა იდეოლოგიის გადმონაშთებისგან თბილისის გათავისუფლება და მათი ჩანაცვლება მყარი, კომფორტული საცხოვრისით, ჩვენი გუნდის ერთ-ერთი მიმართულება იქნება. ის მოქალაქეები, რომლებიც ცხოვრობენ “ხრუშოვკის” ტიპის ბინებში, ჩანაცვლების პროცესში უზრუნველყოფილი იქნებიან ბინით, ან შესაბამისი კომპენსაციით, საკუთარი არჩევანის მიხედვით. სიცოცხლით სავსე თითოეული უბანი, ეს არის თბილისის სახე და მისი მომავალი”, – ნათქვამია ვიდეომიმართვაში.