თბილისის დიდ პარკებში საბავშვო გასართობი ზონების რეაბილიტაცია დაიწყო. სარეაბილიტაციო სამუშაოები 10 სხვადასხვა წერტილში მიმდინარეობს.

როგორც ფორტუნას „თბილსერვის ჯგუფში“ განუცხადეს, საბავშვო საქანელების განახლების პროცესი  პარკებში უკვე ერთი თვეა, აქტიურად მიმდინარეობს. ახალი საქანელები უსაფრთხოების ყველა ნორმას დააკმაყოფილებს და სათამაშო მოედნები  კაუჩუკის დარბილებული ზედაპირით იქნება მოპირკეთებული. ასევე,  დაზიანებული საქანელები მთლიანად გამოიცვლება, შეკეთდება ან შეიცვლება სავარჯიშო ტრენაჟორებიც. ჩატარდება სამღებრო სამუშაოებიც.

პროცესი აგვისტოს ბოლოსთვის მთლიანად დასრულდება.

„თბილსერვისის“ ბალანსზე ქალაქის 10 დიდი პარკია, მათ შორის „მზიურის“, ვერის, ვაკის და კიკვიძის პარკები.

წყარო : fortuna.ge